Download video

Greenland (2020)

0 views
0%

Synopsis

Greenland (2020)
====================
ကြယ်ကြွေတာက ဆုတောင်းပြည့်တယ်ဆိုပြီး လူတော်တော်များများက တောင်းဆုပြုတတ်ကြပါတယ်။ ကြယ်ကြွေတာက အလွန်လှတာကြောင့် ကြယ်ကြွေတာကိုတကူးတကစောင့်ကြည့်တတ်ကြသူတွေလည်း ရှိပါတယ်။ တကယ်တော့ မာယာများလှတဲ့ အာကာသလောကကြီးက လူတွေတွေးထင်ထားသလို အမြဲမလှပနေပါဘူး။

အခုဒီ Greenland ဆိုတဲ့ရုပ်ရှင်ကတော့ ကြယ်ကြွေတာနဲ့ပတ်သတ်ပြီး လူတွေကပ်ဘေးဆိုက်ရတဲ့အဖြစ်အပျက်ကို ရိုက်ကူးပုံဖော်ထားတာပါ။ အမေရိကန်ပြည်ထောင်စုမှာနေထိုင်တဲ့ ဂျွန်အလန်ဂရက်တီတို့မိသားစုဆီကို ဘေးကင်းရာကိုရွှေ့ပြောင်းဖို့အတွက် အသိပေးတဲ့ဖုန်းဝင်လာပါတယ်။ ဖုန်းထဲမှာတော့ ဂျွန်တို့ကိုဘေးကင်းရာကိုရွှေ့ပြောင်းဖို့အတွက် လိုအပ်တာတွေယူပြီး ရော်ဘင်လေတပ်ဌာနချုပ်ကိုလာခိုင်းပါတယ်။

ဒီအချိန်မှာတော့ သိပ္ပံပညာရှင်တွေက ကလာ့ခ်ဆိုတဲ့ကြယ်တံခွန်က ကမ္ဘာကိုလာမှန်ခဲ့ရင်တောင် သမုဒ္ဒရာထဲကိုကျမှာဖြစ်လို့ စိတ်ပူစရာမလိုဘူးလို့ တွက်ချက်ထားကြတာပါ။ အိမ်နီးချင်းအားလုံးမှာမှ ဂျွန်တို့‌ဆီကိုပဲ တိုက်တိုက်ဆိုင်ဆိုင်ဆက်သွယ်တာကြောင့် ယုံရခက်မယုံရခက်ဖြစ်နေချိန်မှာ သိပ္ပံပညာရှင်တွေရဲ့ တွက်ဆမှုနဲ့လွဲချော်ပြီး ကြယ်တံခွန်အပိုင်းအစတစ်ခုက ဖလော်ရီဒါကိုထိမှန်တဲ့အခါ ဘာတွေဆက်ဖြစ်ကြမလဲ။

သမ္မတရုံးကရော ကယ်ဆယ်ရေးကိုဘာကြောင့် တရားဝင်မကြေညာတာလဲ။ ကိုယ့်ရဲ့သေရေးရှင်ရေးနဲ့ယှဉ်လာတဲ့အခါ လူတိုင်းလူတိုင်းကရော သဘောထားကြီးကိုယ်ချင်းစာနိုင်မှာလား။ ဂျွန်တို့ရော ဘေးကင်းရာကိုလွတ်မြောက်သွားနိုင်မလားဆိုတာကို Greenland ဆိုတဲ့ရုပ်ရှင်ကိုကြည့်ရင်း အဖြေရှာလိုက်ကြရအောင်ပါ။

Crd:Gold Channel

Leave a Reply